Mondragon Assemblyn proiektu osoan gaude presente, eta modulu fotovoltaikoen fabrikatzaileen lehiakortasuna bermatzen duen enpresa teknologikoa gara.
Aholkularitza eta laguntza
Europako sektore fotovoltaikoko ikerketa zentrorik ospetsuenekin lankidetzan, aholkularitza teknologikoko zerbitzu bat eskaintzen dugu, bai proiektuen hasieran, bai haien garapen osoan, egokitzapen teknologiko egokiena bermatuz bezero bakoitzaren beharretara.
Horrela, gure bezeroak sektore fotovoltaikoaren abangoardia teknologikoan kokatuta egongo direla ziurtatzen dugu.
Mondragon Assemblyn laguntza eskaintzen diegu gure bezeroei, proiektuaren hasierako fasean beharrezkoa den negozio plana garatzeko. Horrela, gure bezeroek sektore fotovoltaikoan dugun esperientzia zabalaz balia daitezke: Lehengaien kostuak, prozesamendu gastuak, finantza beharrak, hornidura katearen diseinua, arriskuaren analisia, merkatuak, etab.
Prestakuntza funtsezko faktorea da ekoizpen lerro baten errentagarritasunerako.
Proiektu bakoitzaren beharren araberako prestakuntza programa oso bat proposatzen dugu, eta prestakuntza programa sorta zabala eskaintzen dugu fabrikazioaren negozioan parte hartzen duten departamentuetarako, hala nola Erosketak, Kalitatea eta Ekoizpena departamentuetarako.
Fabrikarako laguntza
Ekoizpena abiarazteko aldia oso fase zaila da fabrikazio lerro bat ezartzeko garaian. Mondragon Assemblyn, martxan jartzen dugun proiektu bakoitzaren hasierarako egokiak diren laguntza eta aholkularitzak diseinatzen ditugu.
Bezeroari laguntza ematen diogu ekoizten hasten denetik lerroa ahalik eta ahalmenik handienarekin martxan jarri arte, laguntza ematen diogun aldiaren ezaugarri bereizgarriak esperimentazioa eta produktuaren zein prozesuaren hobekuntza izanik.
Trebakuntza handiko ekipoak ditugu tokian-tokian: Europa, MENA (Ekialde Hurbila eta Ipar Afrika), Afrika, India, Ipar Amerika eta Hego Amerika. Prestakuntza tokian-tokiko hizkuntzan eman daiteke.
BOMaren hautaketa (materialen zerrenda) industria fotovoltaikoaren faktore erabakigarrienetako bat da. Hautaketa zuzen horrek, besteak beste, horniduraren optimizazioa, produktuaren kalitatea, errentagarritasunaren maximizazioa, ekoizpen prozesuen optimizazioa eta produktuaren aldakortasuna bermatzen ditu.
Gure bezeroei lehengaiak aukeratzen laguntzen diegu, materialen zerrenda zuzen-zuzenean emanez, haien hornitzaileak optimizatuz, kalitate arloko aholkularitza emanez eta haien lehengaiak onartuz.
Moduluen ziurtapena
Moduluen ziurtapen ofizialak denbora eta ezagutzak eskatzen ditu. Mondragon Assemblyk ziurtapen azkartuak eskaintzen ditu kalitate handiko erreferentziazko hainbat modulutarako. Ziurtapen azkartu horri esker, fabrikatzaileak nabarmen murriztu dezake proiektua abian jartzeko denbora.
Ziurtapen programa oso bat eskaintzen dugu, nazioarteko laborategi onenekin lankidetzan.
Negozio fotovoltaikoan dugun esperientzia luzeari esker, eguzki moduluak pertsonalizatzeko ziurtapen berezia behar duten bezeroei laguntza eman diezaiekegu.
Mantentze lanak eta kontrola
Gaur egungo eguzki lerroek duten ekoizpen ahalmen handirako ezinbestekoa da monitorizazioa eta kontrol sakonak eta zehatzak egitea. Hori dela eta, Mondragon Assemblyk Ekoizpenaren Exekuzio Sistema bat aurkeztu du, Manufacturing Execution System (MES) izeneko sistema, modulu bakoitzaren trazabilitateari eusteko eta, horrela, dagozkion ekoizpen prozesu guztietan laguntza emateko.
MES gure sistema automatikoak zerbitzu hauek ematen ditu:
- Moduluaren trazabilitatea: Modulu fotovoltaiko baten historia eta kokapena egiaztatzeko gaitasuna, ekoizpen prozesuan zehar.
- Datuen bilketa automatikoa: Moduluaren trazabilitatearekin” konbinatuta, datu guztiak dagokion unean jasotzen dira, eta automatikoki gordetzen dira sortutako modulu bakoitzerako.
- Materialen erregistroa: MES softwareak modulu bakoitzean erabilitako lehengaiaren erreferentzia zenbakien arrastoari jarraitzeko gaitasuna ematen du.
- Fabrikako kontrola: Fabrikako Kontrolerako tresnak lerroan gertatzen ari denari buruz Mondragon Assemblyk egindako txosten estandarrak eskaintzen ditu. Ekoizpenaren azken emaitzak zein lehengaien hornitzaileei buruzko informazioa duten datuen taula maisuak ematen ditu.
- Kalitate kontrola: MES sistemak modulu eta serie eskas guztien kontrol handia egiten du. Zerbitzu honek arazoen zergatiak ezagutzeko metodo azkar bat ematen du.
Abantailak:
- Ekoizpen prozesua denbora errealean kontrolatzea.
- Arazoen zergatiak aurkitzeko modu erraza.
- Ekoizpenaren datu historikoak.
- Datuen bilketa automatikoa.
- Moduluen sailkapen automatikoa.
- Ekoizpenaren kalitatearen kontrola.
- Ekoizpen lerroan fabrikatutako modulu bakoitza arakatzea.
Gure bezeroei mantentze lan prebentiboko eta prediktiboko zerbitzu bat eskaintzen diegu, haien beharren arabera. Gure soluzioak egokitzen ditugu etorkizuneko arazo teknikoei aurrea hartzeko. Horrela, gure bezeroek ekoizpenaren ustekabeko etenak minimizatu edo saihestu ditzakete, eta, aldi berean, ekoizpen lerroaren eraginkortasuna hobetzen dute kostuei dagokienez.
Gure makinen eta ekoizpen lerroen konektibitate maila handia eskaintzen dugu, teknologia digitalik aurreratuena erabiliz. Horri esker, Mondragon Assemblyk plataforma digital ireki eta malgu bat eskaintzen du, zeinak hainbat makinetatik datorren edozein informazio atzeman eta gorde dezakeen, bistaratu eta teknika analitiko aurreratuenak aplikatu ahal izateko.
Teknologia horiek sartzeak ahalbidetzen digu gure bezeroei funtsezko fabrikazio prozesuen kontrolik aurreratuena, laguntza zerbitzu hobea eta ekoizpen eraginkortasun handiagoa eskaintzea.
